top of page

სახლი, როგორც შეგრძნება!

Updated: Apr 4, 2022


ხშირად მიფიქრია, თუ როგორი უნდა იყოს სივრცე, სადაც ყოველი ჩემი ახალი დღე იწყება. ადგილი, სადაც ფიქრი, მიზნების დასახვა, ოცნება, თუ მეგობრებთან ერთად ყოფნა ხშირად მიწევს. წარმოვიდგენ ოთახს, მყუდროს, კომფორტულს და ინდივიდუალურს, ერთ მთლიან სურათს, რომლის შექმნა და გარდაქმნა ასე მარტივად შემიძლია. სწორედ ამიტომ გადავწყვიტე უარის თქმა სტანდარტული ბეტონის ოთხ კედელზე და ავირჩიე მეტად ჯადოსნური ატმოსფერო და თავისუფლების ის ხარისხი, რომელიც სხვებისთვისაც გადამდები იქნებოდა. აი სწორედ ასე მინდა გამოიყურებოდეს ჩემი სივრცე.


სიახლეების ძიება, დეტალებით სრულყოფა, განსხვავებული სტილის შექმნა - ეს ის ჩამონათვალია, რითიც ურბანერის შექმნის დღიდან, თქვენთან საუბარს და ურთიერთობას ვიწყებთ. თუ თქვენც ჩემსავით გსურთ, რომ სახლმა თქვენზე უფრო დადებითად იმოქმედოს, მაშინ დროა ექსპერიმენტებისთვის. დაივიწყეთ ყველა სტანდარტი და შაბლონური წესი, რომელიც თქვენს სივრცეს არანაირ ხასიათს არ შესძენს.

გახადეთ ყოველი კედელი თანამოსაუბრე, შეუსაბამეთ თქვენს ხასიათს ნებისმიერი სახლის აქსესუარი - იქნება ეს ბოჰო, თუ კედლის ხალიჩა, სარკე, თუ უბრალოდ Dreamcatcher-ი. შეიტანეთ მეტი აურზაური და თავისუფლება თქვენს ოთახში; შეცვალეთ ყველაფერი, რისი შეცვლაც შეგიძლიათ, იყავით რევოლუციონერი. დაიწყეთ განსხვავებული სამყაროს აღმოჩენა და სიახლეების ძიება საკუთარი ოთახიდან, შემდეგ კი მარტივად შეძლებთ ოთახის ფანჯარის გაღებას და საკუთარი ექპერიმენტების სამყაროსთვის გაზიარებას.


ჩვენ მრავალფეროვნება, მეტი თავისუფლება და ინდივიდუალიზმი გვჭირდება - ჩვენი ანაბეჭდი ამ ქაოტურ და საინტერესო სამყაროში. თვითგამოხატვა, შინაგანი სამყაროს გაზიარება, ჩარჩოებიდან გასვლა და უბრალოდ, ყუთის გარეთ ფიქრი, ჩვენს ყოველდღიურობას, ერთფეროვნების რელსებიდან გადახვევის საშუალებას მისცემს და ჩვენც გვექნება შთაგონება.

შთაგონება, რომელიც დეტალებიდან იწყება!!!




Recent Posts

See All
bottom of page