top of page

ვინ არიან ურბანერები?

Updated: Jan 7, 2022


ორი წლის წინ, მე და ჩემი მეგობარი პირველად ჩავედით ბერლინში - ქალაქში, სადაც თავისუფლება და ‘ანდერგრაუნდ’ კულტურა ერთმანეთთან ცოტა შემაწუხებელ ჰარმონიაშია. ერთ-ერთ დილას, კლუბიდან ახალ გამოსულებს და გადაღლილებს სახლისკენ მიმავალ გზაზე რამდენიმე გერმანელი შემოგვხვდა, რომლებმაც რაღაც გვკითხეს, რა თქმა უნდა კითხვა ვერ გავიგეთ. ჩვენი გადაღლილი და უმეტყველო სახეების შემყურე გერმანელებმა ახლა უკვე ინგლისურად გვკითხეს ვინ ხართო, ჩვენ კი ვუპასუხეთ ‘We are URBANER-ს’, რის შემდეგაც ყველამ ძალიან ბევრი ვიცინეთ. სიმართლე გითხრათ, იმათ რა აცინებდათ არ ვიცი, მაგრამ ჩვენთვის, ჩვენი პასუხი - ‘urbaner’ იყო სასაცილო - ეს სწორედ ის ‘მოგზაურობის ხუმრობაა’, სამოგზაუროდ წასულ ორ მეგობარს რომ ესმის მხოლოდ.


ახლავე აგიხსნით რაშია საქმე - გერმანელები ხომ ძალიან ბევრ სიტყვას ‘er’-ით ასრულებენ? აი მაგალითად ‘შნელერ, შნელერ’, ჰოდა სწორედ ასე დაიწყო ჩვენი ურბან-er-ობის ისტორიაც. მახსოვს, თავიდან ამას დიდი განვრცობა მოვაყოლეთ, როგორი ადამიანები იქნებოდნენ ურბანერები, რას ჩაიცმევდნენ, რა აქსესუარებს გაიკეთებდნენ, როგორი ცხოვრების სტილით იცხოვრებდნენ და საბოლოო ჯამში აღმოვაჩინეთ, რომ მთელი ამ ხნის განმავლობაში საკუთარ თავებზე ვსაუბრობდით; მივხვდით, რომ ურბანერები სწორედ ჩვენვე ვიყავით.

შემდეგ ეს ყველაფერი დავუკავშირეთ თბილისს და იმას, რომ თბილისის ურბანულმა, გიჟურმა და კულტურულად გადარეულმა ქალაქმა შეგვქმნა ურბანერებად და აღმოვაჩინეთ, რომ ძალიან ბევრი თანამოაზრე ურბანერი გვყავდა ჩვენს ქალაქში. სწორედ ამ მომენტში შეგვიპყრო საშინელმა სურვილმა, რომ ჩვენი აღმოჩენა გაგვეზიარებინა მეგობრებისთვის და იმ ადამიანებისთვის, რომლებსაც ურბანერებად მივიჩნევდით.. ასეც მოვიქეცით. თბილისში დაბრუნებულებმა, ჩვენს დიდ სამეგობროში (და გეცოდინებათ ალბათ, რომ თბილისში ყველა ყველას მეგობარია) ჩვენი ურბანერობის პატარა ‘კამპანია’ წამოვიწყეთ, რასაც დიდი გამოხმაურება მოჰყვა და სწორედ მაშინ დაიბადა იდეაც! იდეა, რომ ყველაფერი მხოლოდ იდეად არ დარჩენილიყო და შეგვექმნა არა მხოლოდ ბრენდი, მაღაზია, ან ონლაინ შოპი, არამედ შეგვექმნა URBANER-ი!! სივრცე, რომელიც გახდებოდა ცხოვრების სტილი, გააერთიანებდა სხვადასხვა სახის პროდუქტს, შემოქმედებას და ზოგადად, კულტურული გაგების უნიკალურ კომბინაციას შექმნიდა. ადგილი, სადაც ყველა მოახერხებდა ახალი და უნიკალური ნივთების არჩევას და რაც მთავარია, თავს იმ კულტურული გაგების წევრად იგრძნობდა, რომელსაც URBANER-ი ჰქვია.


თუ შენც ჩვენსავით URBANER-ი ხარ, გამოგვყევი!!!




Recent Posts

See All

Comments


bottom of page